Prandaj sipas tij, në takimin e Kurtit me Sekretarin amerikan të Shtetit, Antony Blinken, Osmani mund të ketë shkuar për mbështetje ndaj kryeministrit ose për ndonjë porosi shtesë nga Administrata Biden.
“Ka 1 vit që Albin Kurti është në pushtet dhe ai do të duhej të njihej pak më tepër në rolin e një udhëheqësi shtetëror, sepse ai njihej si opozitar prej shumë vitesh. Prandaj, ky element tek amerikanët ka shumë rëndësi, madje e shohin edhe çfarë mbështetje ka nga partneri i koalicionit. Pjesëmarrja e presidentes në këtë rast, nuk u kuptua qartë, nuk u bë me dije se në çfarë cilësie ka shkuar atje, a shkoi për mbështetje ndaj Kurtit apo që të marrë ndonjë porosi shtesë nga administrata Biden”, tha Pula në emisionin “Ditari”.
Tutje, Pula tha se në krahasim me Kurtin, Vjosa Osmani është më e njohur për amerikanët.
“Ka edhe një arsye shtesë, Albin Kurti tani si kryeministër dhe Albin Kurti si opozitar, mjaftueshëm ka qenë i panjohur për ndërkombëtarët, specifikisht për amerikanët dhe se si duhet të jesh në kostumin e kryeministrit të vendit. Ndërsa, presidentja Vjosa Osmani është më tepër e njohur për ta dhe shkuarja e të dyve së bashku në SHBA, është plotësim i njëri-tjetrit”, tha Pula për Tëvë1.
Në njoftimin e presidencës është thënë se palët kanë diskutuar për partneritetin bilateral mes Kosovës dhe Shteteve të Bashkuara, për mbështetjen ndaj Kosovës në sektorët strategjikë, duke përfshirë ekonominë dhe mbrojtjen
