Ilir Abdullahu, i njohur me nofkën “Liza”, është sjellë në sallën e gjyqit, ku po mbahet seanca gjyqësore lidhur me rastin e vrasjes së ish-policit Triumf Riza.
Në seancë është i pranishëm edhe Rrahim Abdullahu, i njohur si “Rrumqi”.
Të dy akuzohen se, në bashkëkryerje me Arben Berishën, Fitim Avdiun dhe Enver Sekiraqën, kanë kryer veprën penale të vrasjes së Triumf Rizës.
Rasti ka të bëjë me vrasjen e ish-policit Triumf Riza, ndërsa procesi gjyqësor po vazhdon në Gjykatë, ku pritet të trajtohen pretendimet e aktakuzës dhe përgjegjësia e secilit prej të akuzuarve.
Të akuzuarit prezumohen të pafajshëm derisa fajësia e tyre të vërtetohet me vendim të formës së prerë të gjykatës.
