Shefja e Grupit Parlamentar të LDK-së, Jehona Lushaku-Sadriu ka kërkuar nga Qeveria e Kosovës raportim në Kuvendin e Kosovës çdo tre muaj për përmbushjen e kritereve nga Raporti i Progresit.
Në seancën e jashtëzakonshme të Kuvendit të Kosovës, ku po diskutohet për raportin e Komisionit Evropian, ajo poashtu ka thënë se Qeveria duhet që brenda 30 ditësh të paraqes një plan veprimi për përmbushjen e kritereve.
“Në emër të Grupi Parlamentar të LDK-së, kërkoj që këtu mos të përfundojë vetëm një diskutim, por të dalim me kërkesa konkrete për Qeverinë e Kosovës, e cila duhet t’i raportojë Kuvendit e Kosovës rregullisht çdo tre muaj për realizimin e Raportit të Progresit dhe kërkesave që dalin nga ajo, e brenda 30 ditësh të na paraqesë një planë veprimi, se si di duhet të përmbushen dhe kush janë përgjegjësit kryesor për përmbushjen e këtyre kritereve”, ka thënë Lushaku -Sadriu.
Ajo ka thënë se raporti ka vërejtje në shumë fusha.
Sipas saj, ky raport është përgjithësisht është me notë jo kaluese.
Raporti i Komisionit Evropian për vitin 2026 evidenton sfida në funksionimin e institucioneve, sundimin e ligjit, luftimin e korrupsionit dhe zhvillimin ekonomik.
Në dokument janë ngritur shqetësime për efikasitetin dhe pavarësinë e sistemit të drejtësisë, ndërsa është evidentuar edhe mungesa e rezultateve konkrete në dialogun ndërmjet Kosovës dhe Serbisë.
Po ashtu, Komisioni Evropian ka vlerësuar se ngërçi institucional gjatë vitit ka ndikuar në ngadalësimin e reformave që lidhen me procesin e integrimit evropian.
Përderisa opozita ka vlerësuar se raporti shënon regres për Kosovën, nga pozita kanë vlerësuar se raporti nuk konstaton ngecje në asnjë fushë./teve1.info/
/teve1.info/
