Basketbollisti amerikan, Jericole Hellems nuk është më pjesë e skuadrës së Borës nga Prishtina.
Klubi i Superligës së Kosovës, të martën ka njoftuar se me marrëveshje të dyanshme ka ndarë rrugët me Hellemsin, duke e shkëputur kontratën.
Bora, gjithashtu ka falënderuar Hellemsin për kontributin, angazhimin dhe profesionalizmin, ndërsa i ka dëshiruar suksese në vazhdim të karrierës.
Hellems iu bashkua Borës para fillimit të sezonit, por në tri ndeshjet e fundit, me Sigal Prishtinën, Pejën dhe Vëllaznimin nuk ishte pjesë e ekipit.
Në pesë paraqitje të këtij sezoni në Superligë me fanellën e Borës, Hellems ka luajtur me një mesatare prej 13 pikëve, 7 kërcimeve dhe 4 asistimeve për ndeshje.
Bora është e treta në tabelë me 14 pikë, sa i kanë edhe Trepça e Bashkimi në dy pozitat e para kurse ndeshjen e radhës e luan këtë vikend në shtëpi kundër Golden Eagle Yllit.
