E ngarkuara me punë në Ambasadën e Shteteve të Bashkuara të Amerikës në Kosovë, Anu Prattipati, ka pritur në takim gjeneralmajorin Stephen Osborn, Agjutant i Përgjithshëm i Gardës Kombëtare të Ajovës, gjatë vizitës së tij të fundit zyrtare në Kosovë.
Përmes një njoftimi, Ambasada amerikane bëri të ditur se Prattipati e ka falënderuar Osbornin për udhëheqjen e tij në forcimin e marrëdhënieve të mbrojtjes ndërmjet Kosovës dhe SHBA-së.
Në veçanti, ajo ka vlerësuar kontributin e tij në zhvillimin e partneritetit shtetëror ndërmjet Ajovës dhe Kosovës, i cili shërben si një mekanizëm i bashkëpunimit në fushën e sigurisë dhe mbrojtjes.
Chargé d’affaires Anu Prattipati received Iowa National Guard Adjutant General Maj. Gen. Stephen Osborn on his final official visit to Kosovo. The Chargé thanked him for his leadership in strengthening U.S.-Kosovo defense ties and the Iowa–Kosovo State Partnership. https://t.co/xNkOIopayi
— U.S. Embassy Pristina (@USEmbPristina) November 6, 2026
