Ministri i Shëndetësisë, Arben Vitia, të premten ka vizituar nënën dhe vajzën e saj, foshnjën e parë të lindur në Qendrën Klinike Universitare të Kosovës (QKUK) përmes fertilizimit të asistuar mjekësor.
Përmes një postimi në Facebook, Vitia e ka cilësuar këtë ngjarje si një arritje të rëndësishme në sistemin shëndetësor, duke theksuar se ky shërbim përfaqëson një mundësi dhe shpresë të re për çiftet që dëshirojnë të bëhen prindër.
Ai ka bërë të ditur se nënës i ka uruar shumë gëzime pranë vajzës së saj, ndërsa foshnjës jetë të gjatë dhe të shëndetshme.
Vitia gjithashtu ka falënderuar stafin e Klinikës së Gjinekologjisë për angazhimin, profesionalizmin dhe kujdesin ndaj pacientëve./teve1.info/
