Zeqiri bëri të ditur se Policia e Kosovës ka mungesë në zbatimin e shumë ligjeve, mirëpo sipas tij, ai më i rëndësishmi është mungesa e sigurimit shëndetësor.
“Ne kemi disa kërkesa për Policinë e Kosovës e të cilat na kanë përcjellë me vite të tëra, nuk janë kërkesa të këtij viti, mirëpo janë kërkesa para 5 ose 6 viteve. Ne kemi një polici pa sigurim shëndetësor, kemi një polici pa ligj të pagave, kemi një polici pa ligj mbi pensionimin, kemi një polici të cilës nuk i paguhet shujta, kemi edhe disa raste kur udhëtojnë larg vendbanimeve të tyre dhe nuk u paguhet udhëtimi. Domethënë është vetëm paga të cilën e marrin e që i kryejnë të gjitha shpenzimet, qoftë ato ditore, qoftë për ndonjë sëmundje”, tha Zeqiri në emisionin “Ditari”.
Ndërkaq, ai tha se tanimë mosha mesatare e zyrtarëve policorë ka arritur diku 47 vite, e që sipas tij, do të thotë se kemi një polici në moshë mjaft të shtyrë.