Sipas tij, organet e drejtësisë duhet të veprojnë sipas ligjit dhe të parandalojnë sulmet ndaj zyrtarëve policorë.
“Kur jemi te puna e sulmeve ndaj zyrtarëve policorë kërkesë e jona është që organet e drejtësisë vetëm të veprojnë sipas ligjit dhe kjo do të ishte një preventivë për parandalimin e sulmeve ndaj zyrtarëve policorë e them këtë për arsye se kemi pasë disa raste kur zyrtarët policorë janë sulmuar nga persona të tjerë dhe personat janë liruar në procedura të rregullta apo janë liruar. Në njëfarë forme organet e drejtësisë kanë vepruar në atë mënyrën me rrethana lehtësuese gjë që nëse kështu veprohet dhe krijohet kjo praktikë atëherë neve po i fuqizojmë personat e dyshimtë dhe në njëfarë forme po e krijojmë një atmosferë se bën të sulmohet zyrari policor ngase unë prap do të jem në liri”, tha ai.
Zeqiri në emisionin “Ditari” shtoi se nëse organet e drejtësisë nuk i rehabilitojnë të dyshuarit, atëherë sipas tij, sulmet ndaj zyrtarëve policorë do të shtohen vazhdimisht.
“Nuk është puna vetëm ta themi edhe kështu sepse thuhet edhe në bazë të ligjit që personi i cili e kryen një vepër, kur të dënohet qoftë edhe me burg ai nuk është dënim ai është rehabilitim dhe ne nëse nuk i rehabilitojmë këta të dyshuar atëherë vërtetë këto sulme ndaj zyrtarëve policorë do të përsëriten apo të shtohen vazhdimisht”, tha ai.
Kurse, në 11-vjetorin e rënies së policit, Enver Zymberi gjatë një aksioni në veri të vendit, për herë të parë në Kosovë sot është shënuar Dita memoriale e punonjësve policorë të rënë në krye të detyrës /teve1.info./