Kosova në një turne futbolli është përfaqësuar me dinjitet të lartë nga atdhetarët tanë në Itali.
Ekipi që mbanë emrin Pavarësia ka fituar turneun “Torneo del Estate” në Udine te Italisë, duke e mposhtur ekipin nga Brazili në finale me shifra 5:1.
Në turneun e verës morën pjesë ekipe nga dhjetë shtete si: Shqipëria, Argjentina, Kolumbia, Brazili, Italia, Kongo, Ukraina, Maroko, Algjeria e Kosova.
Pavarësia e drejtuar nga Ali Balaj, Blerim Hoxha e Mentor Zekolli në përbërje kishin lojtarë si: Nuhi Hasanaj, Labinot Morina, Getoar Krasniqi, Drilon Krasniqi, Drilon Osmani, Muharrem Rrusta, Behar Hoxha, Samir Balaj, Qëndrim Balaj, Florian Morina, Ylber Mehmeti, Fatlind Bilalli e Afrim Berisha.
Rrugëtimi i skuadrës që përfaqësuan Kosovën në këtë turne ishte i jashtëzakonshëm që nga starti. Pavarësia në fillim mposhti Kolumbinë 7:2, e pastaj triumfuan ndaj Ukraninës 6:1. Mundën edhe Shqipërinë 7:4, kurse në çerekfinale korrën sukses me shifra 3:0 ndaj Kongos, për të kaluar në gjysmëfinale me Argjentinën të cilën e mposhtën 4:2 dhe në finale Brazilin 5:1.
Ylli i turneut u zgjodh Getoar Krasniqi, derisa golashënuesi më i mirë i takoj Florian Morinës, të dy lojtarë të ekipit Pavarësia.
“Torneo del Estate” mbahet rresht që pesë vite, kurse për Pavarësinë është hera e dytë që merr pjesë, ku vitin e kaluar u renditën në vendin e dytë. /Tëvë1/