Qeveria e Kosovës do të mbajë sot mbledhjen e radhës, e cila është caktuar të fillojë në orën 16:00, në ndërtesën e Qeverisë.
Në fokus të kësaj mbledhjeje pritet të jetë projektbuxheti për vitin 2027, i cili më pas pritet të procedohet për shqyrtim në Kuvendin e Kosovës.
Kryeministri Albin Kurti kishte bërë të ditur të shtunën, gjatë mbledhjes së këshillit të partisë së tij, se projektbuxheti do të dërgohej në Kuvend të hënën.
Ai kishte përmendur gjithashtu mbi 1 miliard euro investime kapitale të parapara në këtë projektbuxhet.
Ndërkohë, deputetë të LDK-së kanë kritikuar Qeverinë, duke pretenduar se është shkelur afati ligjor për procedimin e buxhetit të vitit 2027.
