Vendtakimi dhe ora ishin të njëjta.
Sheshi “Zahir Pajazati”, ora 16:00, mblodhi qytetarë të shumtë.
Grupmosha të ndryshme, u bënë bashkë rreth një qëllimi, kërkimit të përgjegjësisë instutucionale për vrasjen e Arlinda Zekaj.
Me parulla në duar, nisën marshin në ditën e dytë të protestës.
Ecjen e tyre nuk e ndalën as rrethojat e vendosura rrugës.
Ndalesa e parë ishte Ministria e Drejtësisë.
Zëshëm u kërkua dorëheqja e ministres, Donika Gërvalla.
Tym i zi u hodh jashtë dyerve, ku ishin pozicionuar zyrtarë policorë.
Ai depërtoi edhe në hapësirën e brendshme të objektit të ish Rilindjes.
Thirrjet nuk u ndalën, as kur protesuesit vazhduan për tek Prokuroria e Shtetit.
Pjesë e thirrjeve për drejtësi, u bë edhe vet zëri i Arlinda Zekaj.
Përpara ndërtesës së Stacionit Policor në Prishtinë, u lëshua audio incizimi i Arlinda Zekajt, me zyrtarin policor në Pejë, Faruk Muçolli.
Tymi i zi, nuk mungoi as tek ndërtesa e Këshillit Gjyqësor të Kosovës.
Destinacioni final i protestës, ishte ndërtesa e Qeverisë së Kosovës.
Aty thirrjet për shkarkim të ministrave Gërvalla e Sveçla, dhe vënia e drejtësisë për rastin e Arlinda Zekaj, morën hov më të madh.
Në dyert e këtij institucioni u vendosën disa mesazhe.
