Trepça ka regjistruar eshe fitoren e tretë rresht në fazën grupore të FIBA Europe Cup.
Të mërkurën, në kuadër të xhiros së katërt, Trepça triumfi në Gjeorgji ndaj Batumit.
Ndeshja e Grupit A, e luajtur në Tbilisi përfundoi me shifrat 91:70 në të mirë të Trepçës.
Trepça i fitoi tre çerekë, ndërsa dallimin e bëri në periudhën e parë dhe të fundit.
Shawn Jones e Drilon Hajrizi ishin më efikasit në këtë përballje.
Jones ndeshjen e mbylli me 17 pikë, 12 kërcime e 3 asistime kurse Hajrizi shtoi 20 pikë, 8 kërcime e 7 asistime.
Trepça, tani ka tubuar 7 pikë dhe ndeshjen e radhës e luan më 4 nëntor ndaj Trierit në udhëtim.
