Kryetari i Lidhjes Demokratike të Kosovës, Lumir Abdixhiku ka thënë se kjo pari kërkon hetim të plotë e të pavarur lidhur me rastin e një gruaje mbrëmë në Vitomiricë të Pejës.
Abdixhiku ka thënë se gruaja e vrarë në Pejë nuk pati mbrojte.
“Për këtë rast LDK kërkon hetim të plotë dhe të pavarur të çdo veprimi e mosveprimi në mbrojtje të saj. Secili zyrtar e institucion që e ka trajtuar kërkesën e Arlindës duhet të japë llogari për veprimet që ka ndërmarrë dhe detyrimet që ka lënë pa përmbushur. Përgjegjësia duhet të ketë emër e mbiemër. Ngushëllimet më të sinqerta familjes së Arlindës. Asaj i detyroheshim mbrojtje sa ishte gjallë. Për të gjallë, mbrojtje nuk pati! Tani i detyrohemi drejtësi; me gjithë zhvlerësimin paralajmërues që në letër na e dha. Dhe çdo gruaje tjetër që sot jeton me frikë, i detyrohemi veprim. Sot, para se një tjetër kërkesë për ndihmë të na mbetet në duar si dëshmi e një jete që nuk e mbrojtëm”, ka shkruar Abdixhiku.
Një grua është vrarë mbrëmë në Vitomiricë të Pejës, ku i dyshuari është kunati i saj i cili gjendet në arrati.
Pak orë para vrasjes ajo ishte intervistuar si viktimë e dhunës në familje, ku bashkëshorti i saj është ndaluar për 48-orë.
Policia ka bërë të ditur se pas intervisitimit tashmë e ndjera me vetdëshirë ishte kthyer në shtëpinë e saj.
