Trajneri i Bayern Munichut, Vincent Kompany, pritet të mungojë për një periudhë të gjatë, pasi po vazhdon trajtimin në spital pas një infeksioni viral.
Drejtori sportiv i klubit gjerman, Max Eberl, ka konfirmuar të shtunën se 40-vjeçari është në gjendje stabile, ndërsa ekzaminimet mjekësore po vazhdojnë për të përcaktuar natyrën e sëmundjes.
“Fillimisht duhet të kuptojmë se për çfarë bëhet fjalë dhe më pas të diskutojmë për kohën e rikuperimit. Nuk do të flasim për ditë, por për javë”, ka deklaruar Eberl.
Në mungesë të Kompanyt, ndihmëstrajneri anglez Aaron Danks do ta drejtojë Bayernin në ndeshjen e së dielës kundër Freiburgut, në kuadër të Bundesligës.
Ndërkohë, Danks ka konfirmuar se Joshua Kimmich nuk do të jetë në dispozicion për këtë takim.
Bayerni kryeson tabelën e Bundesligës me një pikë më shumë se Freiburgu, ndërsa ndeshjen e radhës në Ligën e Kampionëve do ta zhvillojë më 3 nëntor kundër Atletico Madridit.
