Një person është arrestuar në Prizren nën dyshimin për mashtrim të disa qytetarëve, duke përdorur profile të rreme në rrjetet sociale dhe duke u marrë para në emër të ndihmave sociale.
Sipas raportit policor, rastet dyshohet se kanë ndodhur gjatë periudhës 2023-2025. I dyshuari, përveç që pretendohet se ka kërkuar para në formë të ndihmave sociale, në disa raste është paraqitur edhe si person zyrtar, duke u premtuar qytetarëve ndihmë në çështje të ndryshme ligjore.
Me vendim të prokurorit, i dyshuari është dërguar në mbajtje.
“Prizren 2023-2025. Është arrestuar i dyshuari mashkull kosovar, pasi që përmes profileve të rreme në rrjete sociale, kishte arrit që të mashtrojë persona të ndryshëm duke u marrë para në formë të ndihmave sociale, në disa raste është paraqitur si person zyrtar dhe ka mashtruar persona duke ju premtuar që mund t’ju ndihmojë në çështje të ndryshme ligjore. Me vendim të prokurorit i dyshuar është dërguar në mbajtje”, thuhet në raport./teve1.info/
