Disfata e Barcelonës nga Paris Saint-Germaini në Ligën e Kampionëve, u shoqërua me një tjetër lajm të keq për ekipin spanjoll.
Mesfushori Dani Olmo u detyrua të zëvendësohet kundër Parisit pas vetëm gjysmë ore lojë për shkak të lëndimit.
Bëhet e ditur se Olmo ka pësuar këputje muskulore të kofshës së majtë dhe për këtë arsye do të duhet të pauzojë të paktën për një muaj.
Mësohet se Olmo nuk do të jetë i gatshëm për lojë për katër javët e ardhshme dhe si pasojë e kësaj, ai do ti mungojë Barcelonës në ndeshjen kundër Real Madridit.
Ndeshja “El Clasico” ndërmjet Barcelonës dhe Realit, do të zhvillohet të dielën mbrëma në stadiumin “Camp Nou”.
