Janë familjarë të Auron Ferizit.
Ata janë të parët që vijnë në gjykatore.
Bashkë u bën për ta dëgjuar vendimin e Gjykatës Themelore në Gjilan, për vrasjen e 21 vjeçarit.
Pak minuta më vonë, me duar në pranga u soll i akuzuari, Egzon Shallti.
Mbi supet e tij rëndon akuza për “vrasje të rëndë”.
Sipas prokurorisë, Shallti me dashje dhe me qëllim, goditi me veturë pesë të rinj në një lokal në Viti, në mesin e të cilëve, Auron Ferizi nuk mbijetoi.
Kryetari i trupit gjykues, dha një arsyetim të shkurtë mbi vendimin.
Sipas Gjykatës, ishin dy faktorë që pamundësuan shqiptimin e dënimit maksimal ndaj Egzon Shalltit, atë me burgim të përjetshëm.
Ky vendim i Gjykatës, nuk u mirëprit nga familjarët e Auronit.
Beteja për drejtësi për ta, nuk përfundon me këtë vendim gjykate.
Sipas aktakuzës, Shallti i kishte parë viktimat të ulur pranë një peme në lokal, ku fillimisht ishte nisur dy herë në drejtim të tyre, por që më pas kishte ndërruar kahje.
E herën e tretë, prokuroria pretendon se i akuzuari kishte kaluar nga shiriti i djathtë në shiritin e majtë të rrugës, kishte rritur shpejtësinë e veturës dhe ishte drejtuar kah viktimat, duke i goditur drejtpërdrejt me pjesën e përparme të veturës.
