Policia e Tiranës ka arrestuar pesë persona, mes të cilëve edhe një të mitur, të cilët akuzohen se dëmtuan me sende të forta, dyert dhe dritaret e godinës së Gjykatës së Apelit,
Sipas njoftimit zyrtar, hetimet e zhvilluara përgjatë këtij aktiviteti bënë të mundur që të “identifikohen 20 shtetas që dëmtuan me sende të forta, dyert dhe dritaret e këtij institucioni.”
Njërit nga të arrestuarit, është një i mitur 16-vjeçar, të cilit sipas policisë gjatë kontrollit, iu gjetën lëndë piroteknike, raporton A2 CNN.
Gjithashtu, u shpallën kërkim 15 shtetas të tjerë. Policia thotë se po punohet për kapjen e tyre.
Materialet procedurale iu referuan Prokurorisë, për veprime të mëtejshme.
