Pas disa orësh ‘betejë’ mes protestuesve dhe policisë, bulevardi “Dëshmorët e Kombit” më në fund ka rënë në qetësi.
Situatën e kanë marrë në dorë ekipet e pastrimit, që fillimisht kanë hequr morinë e gurëve shkulur nga trotuaret dhe të hedhur nga protestuesit drejt policisë.
Në foto shihet një kamionë e mbushur plot me gurë dhe sende të forta, raporton tch.
Kujtojmë, dita e pestë e protestave në Tiranë është shoqëruar me përplasje të forta mes protestuesve dhe policisë, ndërsa janë raportuar të lënduar si mes protestuesve, ashtu edhe efektivëve.
Shqipëria organizoi një ngjarje që u bë lajm në çdo cep të botësPërplasjet më të ashpra u zhvilluan në bulevardin “Dëshmorët e Kombit”, pranë Kryeministrisë, ku protestuesit e maskuar hodhën në drejtim të efektivëve fishekzjarrë, molotovë dhe gurë.
Policia ndërhyri me ujë dhe gaz lotsjellës për shpërndarjen e protestuesve.
Sipas të dhënave zyrtare të përditësuara numri i personave që kanë kërkuar ndihmë mjekësore në spitalet e Tiranës ka arritur në 59. Mes të dëmtuarve numërohen 34 efektivë të Policisë së Shtetit, 21 protestues si dhe 4 kalimtarë rastësorë, ku përfshihet edhe një i mitur.
Në këtë ditë të pestë të tensioneve, bulevardi kryesor dhe rrugët dytësore të kryeqytetit u shndërruan në skenë përplasjesh me bomby molotov, gaz lotsjellës, plumba gome e vënien e flakës ndaj disa godinave institucionale e bizneseve private.
Mobilizimi i repartit elitar RENEA rreth Kryeministrisë dëshmoi për shkallën më të lartë të rrezikshmërisë, ndërkohë që organizatorët kanë paralajmëruar se revolta popullore do të vijojë edhe gjatë ditës së nesërme, duke hyrë në ditën e saj të gjashtë.
