Gjykata e Tiranës ka caktuar masat e sigurisë për protestuesit e ndaluar pas përplasjeve me Policinë gjatë protestës para Ministrisë së Arsimit.
Mes tyre është edhe K. M., 22 vjeç, i cili u përlesh me gjashtë punonjës policie gjatë tubimit dhe fotoja e të cilit u bë virale nëpër rrjete sociale e u shpërnda nga figura të njohura. Për të është caktuar masa e sigurisë “arrest në shtëpi”.
Arrest në shtëpi u është caktuar edhe Xh.P., E.Z., K.A. dhe K.H. Ndërkohë masa “detyrim për paraqitje” iu caktua tre të tjerëve, raportoi A2.
