Një person ka mbetur i lënduar si pasojë e një aksidenti trafiku mes dy automjeteve në fshatin Reqan të Prizrenit, saktësisht në rrugën Prizren-Prevallë.
Lajmin për tëvë1.info e ka konfirmuar zëdhënësi i policisë për rajonin e Prizrenit, Shaqir Bytyqi i cili ka thënë se policia ka dalë në vendngjarje dhe ka ndërmarrë veprimet e nevojshme hetimore për zbardhjen e rrethanave të aksidentit.
“Aksident trafiku në fshatin Reqan të Prizrenit. Më datën 14.10.2026, rreth orës 09:40, është raportuar një aksident trafiku në mes të dy automjeteve, në fshatin Reqan të Prizrenit, në rrugën Prizren–Prevallë. Si pasojë e aksidentit, janë shkaktuar dëme materiale dhe së paku një person ka pësuar lëndime trupore. Policia ka dalë në vendngjarje dhe ka ndërmarrë veprimet e nevojshme hetimore, me qëllim të sqarimit të rrethanave dhe shkaqeve që kanë çuar deri te aksidenti”, thuhet në përgjigjen e tij./teve1.info/
