Çmimet e konsumit në shtatorin e këtij viti në Kosovë janë rritur për 7.8 për qind krahasuar me shtatorin e vitit të kaluar.
Ndërkohë krahasuar me gushtin e këtij viti, sipas Indeksit të Harmonizuar të Çmimeve të Konsumit, të publikuar nga Agjencia e Statistikave të Kosovës, çmimet e konsumit u rriten për 0.2 për qind.
“Indeksi i tërësishëm i harmonizuar i çmimeve të konsumit ishte më i lartë në një mesatare prej 7,8 % në muajin shtator 2026, krahasuar me muajin shtator 2025. Inflacioni mujor ishte 0,2 % në muajin shtator 2026”, thuhet në njoftimin e ASK-së.
Rritja vjetore e çmimeve thuhet se është ndikuar nga rritja e çmimit te transporti (23,9 %), strehimi, uji, energjia elektrike, gazi dhe lëndët e tjera djegëse (11,9 %), pijet alkoolike, duhani dhe narkotikët (6,3 %), restorantet dhe shërbimet e akomodimit (5,2 %), shëndetësia (4,5 %), kujdesi personal, mbrojtja sociale dhe mallrat e shërbimet e ndryshme (3,8 %), mobiljet, pajisjet shtëpiake dhe mirëmbajtja rutinore shtëpiake (3,5 %), veshjet dhe këpucët (3,0 %), ushqimet dhe pijet joalkoolike (2,4 %), rekreacioni, sporti dhe kultura (1,8 %), informacioni dhe komunikimi (0,7 %) dhe sigurimet dhe shërbimet financiare (0,3 %).
Ndërkohë, rënie e çmimeve është regjistruar në grupin shërbimet arsimore (-0,3 %).
