Shefi i Shtabit të Përgjithshëm të Forcave të Armatosura të Shqipërisë, Gjenerallejtënant Arben Kingji ka pritur në takim komandantin e KFOR-it, Gjeneralmajor Uzkan Ulutash, i cili është në përfundim të mandatit në krye të KFOR-it.
Kingji ka thënë se i ka shprehur vlerësimin për punën që ka bërë Ulutash, duke thënë se Shqipëria do të vazhdojë të përmbush detyrimet në kuadër të misionit të NATO-s.
“Biseduam një sërë çështjesh që lidhen me angazhimin e vazhdueshëm të KFOR-it për forcimin e sigurisë në Kosovë dhe ruajtjen e stabilitetit rajonal. Ritheksova angazhimin e vazhdueshëm të Shqipërisë dhe Forcave të Armatosura në përmbushje të detyrimeve në këtë operacion të rëndësishëm të NATO-s”, thuhet në njoftimin e ushtrisë shqiptare./teve1.info/
