Një person i dyshuar për “vrasje në tentativë në bashkëkryerje” është arrestuar në Mitrovicë të Jugut, lidhur me një rast të ndodhur më 30 shtator në Vushtrri.
Sipas Policisë, i arrestuari dyshohet se, në bashkëkryerje me persona të tjerë, në bashkëkryerje me persona të tjerë dhe duke përdorur mjete të forta, ka sulmuar një person.
Si pasojë e sulmit, viktima ka pësuar lëndime dhe ka kërkuar trajtim mjekësor.
Arrestimi është kryer më 7 tetor nga hetuesit e Sektorit Rajonal të Hetimeve, pas veprimeve hetimore dhe sigurimit të provave që lidhen me rastin.
Pas arrestimit dhe intervistimit, me aktvendim të prokurorit kompetent, ndaj të dyshuarit është caktuar masa e ndalimit policor.
Policia ka bërë të ditur se hetimet lidhur me rastin janë duke vazhduar./teve1.info/
