Abdullahu thotë se në kohën kur vendi po përballet me një krizë ekonomike të madhe, Kurti do duhej të ishte i pranishëm e t’ua rregullojë qytetarëve kualitetin e jetës.
“Në 100 ditët e fundit kryeministri Kurti, 45 ditë ka qenë jashtë Kosovës. Në kohën kur kemi një krizë kaq të madhe…çdo krahasim që mund ta bëni me qeveritarët e tjerë, kryeqeveritarët e tjerë e paprecendentë….pavarësisht që në Kosovë është gjendje krize ekonomike, pavarësisht që nuk e pranon që është krizë ekonomike, do duhej të ishte këtu në baza ditore të merret me çështjet e rëndësishme të këtij vendi, e mbi të gjitha për ta ndreq pak kualitetin e jetës së qytetarëve, që kurrë s’ka qenë më e keqe se sot”, tha ai në “Info Nata” në Tëvë 1.
Më tej, ai theksoi se “arkiva është armiku më i fortë kundër kësaj Qeverie”.
“Ka gjëra nga më të ndryshmet që po i bën e që nuk duhet t’i bënte. Ka gjëra nga më të ndryshmet që i ka thënë e po bën të kundërtën. Sot arkiva është armiku më i fortë kundër kësaj Qeverie, por është mjeti më demokratik në duart e opozitës”, shtoi ai. /Teve1.info/
