Politologu Melazim Koci ka komentuar nismën nga PDK për hartimin e një strategjie lidhur me Dhomat e Specializuara në Hagë, duke thënë se kësaj çështjeje duhet t’i qaset me qetësi dhe pa nguti.
Koci ka vlerësuar se nisma mund të jetë e qëlluar, por ka propozuar formimin e një grupi pune ku do të përfshiheshin përfaqësues të të gjitha partive politike, ekspertë vendorë dhe ekspertë ndërkombëtarë.
Ai ka thënë se do të ishte e nevojshme që në këtë proces të përfshihej edhe eksperti William, për të ndihmuar ekipin që do të hartonte strategjinë në raport me Dhomat e Specializuara në Hagë.
Sipas Kocit, dokumenti i përgatitur nga PDK-ja nuk duhet të shihet si përfundim i procesit, pasi, siç tha ai, nevojitet një angazhim më i gjerë.
“Supozoj që është nismë e mirë, kësaj qasje duhet t’i qasemi me qetësi jo me nguti, nuk them që kjo nismë është e ngutshme, mund të jetë e qëlluar, unë personalisht kam menduar dhe mendoj që ndoshta zgjidhja më e mirë do të ishte formimi i një tast force të cilët do të ishin të pranishëm përfaqësues të gjitha partive politike, ekspert vendor dhe ekspertë të jashtëm. Kam pritur që zotit Ëilliam t’i bëhet ftesë urgjente që të vijë në Kosovë dhe ta ndihmojë ekipin që do ta hartoj atë strategji në raport me Dhomat e Specializuara në Hagë, unë nuk mendoj që me këtë dokument që ka përgatitur PDK-ja të përfundojë çështja, duhet aksion shumë i gjerë”, ka deklaruar Koci në emisionin “Ditari” në Tëvë1.
Duke folur për vendimet e Dhomave të Specializuara, Koci ka deklaruar se ato i konsideron politike dhe ka kërkuar përfshirjen e ekspertëve me përvojë në raste të ngjashme.
“Ky vendim i Speciales është politik me një prapavijë shumë të qartë. Kosovës i duhen ndihmë ekspertë që kanë përvojë në raste të tilla, të dinë të gjejnë hapësira për të goditur Dhomat e Specializuara, ndonëse ato hapësira dhe mundësitë janë të vogla”, ka theksuar Koci./teve1.info/
