Deputeti i LDK-së, Anton Quni, ka publikuar një fotografi ku shfaqet së bashku me kryetarin e partisë, Lumir Abdixhikun, dhe nënkryetarin e Kuvendit, Kujtim Shalën.
Quni e ka shoqëruar fotografinë me mbishkrimin “Lumiri me Shaljan”.
Publikimi vjen pas përplasjeve të fundit brenda LDK-së lidhur me marrëveshjen me LVV-në për zgjedhjen e Bekim Sejdiut president të Kosovës.
Kandidatura e Sejdiut ishte kundërshtuar nga gjashtë deputetë të LDK-së, përfshirë Kujtim Shalën, Avdullah Hotin, Hykmete Bajramin, Janina Ymerin, Armend Zemajn dhe Arben Gashin.
Ndërkohë, Sejdiu u tërhoq nga kandidatura më 14 shtator, duke thënë se në rrethanat e krijuara nuk kishte mbështetjen e nevojshme parlamentare për t’u zgjedhur president.
Fotografia e publikuar nga Quni vjen në një kohë kur në LDK janë zhvilluar diskutime dhe përplasje rreth marrëveshjes me LVV-në.
