Në sheshin “Skënderbeu” në Prishtinë do të mbahet sonte protesa e radhes kundër aktgjykimit ndaj ish-krerëve të UÇK-së.
Protesta është paralajmëruar të nisë në orën 21:00, ndërsa thirrja është bërë nga organizata “Liria ka Emër”, e cila u ka bërë apel qytetarëve që t’i bashkohen tubimit.
Përmes një postimi, organizata ka ftuar qytetarët të mblidhen në shesh në shenjë mbështetjeje për ish-krerët e UÇK-së.
“Sonte në 21:00, dalim në shesh për ata që luftuan për ne. Për lirinë që na e lanë. Për çlirimtarët që sot kanë nevojë për zërin tonë. Mos mungo. Të jemi shumë. Të jemi bashkë”, ka shkruar “Liria ka Emër”./teve1.info/
