Gjykata Speciale në Hagë ka dënuar me nga 25 vjet burgim ish-presidentin e Kosovës, Hashim Thaçi, dhe ish-zëdhënësin e UÇK-së, Jakup Krasniqi.
Trupi gjykues i shpalli fajtorë për disa vepra të krimeve të luftës, përfshirë arrestimin dhe ndalimin arbitrar, trajtimin mizor, torturën dhe vrasjen e paligjshme.
Për Thaçin, gjykata shqiptoi dënime të veçanta prej 15, 4, 20 dhe 23 vjetësh për veprat për të cilat u shpall fajtor, por dënimi përfundimtar u njësua në 25 vjet burgim.
Edhe për Krasniqin u shqiptuan dënime të veçanta për veprat përkatëse, ndërsa dënimi i njësuar është 25 vjet burgim.
Në të dyja rastet, në dënimin e shqiptuar do të llogaritet edhe koha e kaluar në paraburgim.
Aktgjykimi i shpallur sot është i shkallës së parë dhe ndaj tij mund të ushtrohen mjetet juridike të parapara me ligj.
