BIK përmes një postimi në Facebook ka njoftuar se në Kosovë kanë mbërritur 285 haxhi nga grupi i parë.
Të njëjtit bëhet e ditur se janë nga Prishtina, Podujeva, Fushë Kosova, Obiliqi, Lipjani, Drenasi, Gjilani dhe Istogu.
“Sot, në Aeroportin Ndërkombëtar “Adem Jashari” në Prishtinë, 285 haxhi nga grupi i parë i haxhive nga Prishtina, Podujeva, Fushë Kosova, Obiliqi, Lipjani, Drenasi, Gjilani dhe Istogu kanë arritur në Kosovë. Në pritje të tyre, përveç numrit të madh të familjarëve, kishte dalë edhe kryetari i Bashkësisë Islame të Kosovës, Myftiu Naim ef. Tërnava, i cili uroi haxhitë për kryerjen e haxhit, duke lutur Zotin që t’ua ketë pranuar këtë ibadet”, thuhet në njoftim.
Bashkësia Islame e Kosovës ka bërë të ditur se edhe grupet e tjera të haxhive pritet që të arrijnë në Kosovë sipas orareve të parapara, raporton teve1.info
