Të shtunën skuadrat kosovare të hendbollit fillojnë një edicion të ri në skenën evropiane.
Do të jenë Besa Famgasi nga Peja dhe Vëllaznimi i Gjakovës që i luajnë ndeshjet e para në EHF European Cup për hendbollistë.
Në kuadër të raundit të parë të Kupës Evropiane, Besa Famgas e pret skuadrën greke, Ionikos. Kjo ndeshje luhet të shtunën nga ora 19:00 në palestrën “Karagaçi” në Pejë. Ndeshja e kthimit është më 19 shtator në Athinë.
Vëllaznimi i Gjakovës është pajtuar që të dy ndeshjet t’i luajë në Estoni.
Të shtunën nga ora 13:00 në Tallin përballet me skuadrën Tallinna Mistra. Ndeshja e dytë është menjëherë të dielën, po nga ora 13:00.
Kampioni në fuqi, Kastrioti, fillon prej raundit të dytë të Kupës Evropiane.
Te hendbollistet do të garojnë plot katër skuadra kosovare në gara kontinentale.
Është vendosur që edicioni i ri i garave, përkatësisht edicioni i ri në Superligën e meshkujve dhe atë të femrave, të fillojë më 30 shtator. Ndeshjet e xhiros së parë luhen më 30 shtator e 1 tetor.
Ndeshjet për Superkupë do të zhvillohen më 27 shtator.
