Luka Modriq ka shprehur bindjen se Cristiano Ronaldo do ta arrijë shifrën e 1 mijë golave në karrierë, ndërsa kroati ka bërë të ditur se nuk mendon ende për pensionimin.
Në një intervistë për AS, Modriç, i cili të mërkurën e ardhshme mbush 41 vjeç, tha se ndihet mirë te Milani dhe dëshiron të vazhdojë të luajë për sa kohë që trupi i tij e lejon.
“Për sa kohë që trupi më flet dhe ndihem mirë, do të vazhdoj të luaj. Ende e dua futbollin dhe jam i motivuar”, është shprehur mesfushori kroat.
Duke folur për Ronaldon, Modriç beson se portugezi do ta arrijë objektivin historik të 1 mijë golave.
Ronaldo vazhdon të jetë në nivel të lartë edhe në këtë fazë të karrierës, ndërsa Modriç e sheh atë si një futbollist të aftë për të vazhduar të luajë dhe të shënojë për disa vite të tjera.
Ndërkohë, Modriç po zhvillon sezonin e dytë te Milani, pasi verën e kaluar u largua nga Real Madridi, klub me të cilin fitoi trofe të shumtë dhe u shndërrua në një prej mesfushorëve më të suksesshëm të gjeneratës së tij.
Kroati nuk ka vendosur një datë për pensionimin dhe synon të vazhdojë për aq kohë sa të ndihet në gjendje për të konkurruar në nivelin më të lartë.
