Një shtetas i Serbisë është arrestuar në pikën kufitare në Jarinjë, pasi dyshohet se i ka ofruar 10 euro ryshfet një zyrtari policor kufitar.
Sipas Policisë së Kosovës, i dyshuari ka tentuar ta korruptojë zyrtarin në mënyrë që t’i mundësohej vajzës së tij hyrja në territorin e Kosovës.
Rasti ka ndodhur të enjten.
“Është arrestuar i dyshuari mashkull, shtetas i Serbisë, pasi që i njëjti i ka ofruar 10 euro ryshfet zyrtarit policor kufitar në mënyrë që t’i mundësohet vajzës së tij hyrja në Kosovë”, thuhet në raportin 24-orësh të Policisë.
Me vendim të prokurorit, i dyshuari është dërguar në mbajtje.
