Drejtori i Përgjithshëm i Policisë së Kosovës, Gazmend Hoxha, ka pritur të mërkurën në një takim zyrtar njoftues shefin e ri të Misionit të EULEX-it në Kosovë, Antero Lopes.
Sipas njoftimit zyrtar, gjatë takimit të dy krerët konfirmuan vullnetin e plotë për thellimin e bashkëpunimit institucional, me qëllim garantimin e rendit, sigurisë dhe sundimit të ligjit për të gjithë qytetarët e Republikës së Kosovës.
Hoxha ka shprehur mirënjohjen për mbështetjen e vazhdueshme që EULEX-i i ka ofruar Policisë së Kosovës ndër vite, duke vlerësuar bashkëpunimin ndërmjet dy institucioneve.
Ndërkohë, takimi u përmbyll me zotimin e përbashkët për të ruajtur dhe forcuar partneritetin institucional ndërmjet Policisë së Kosovës dhe EULEX-it./teve1.info/
