Faton Bislimi, kandidat i propozuar për president nga ish-ambasadori Ëilliam Ëalker dhe ish-kongresisti Joe DioGuardi ka reaguar pas zhvillimeve të fundit rreth propozimit që emri i tij të konsiderohet për president të Republikës së Kosovës.
Ai është shprehur i gatshëm ta marrë këtë pozitë, siç ka thënë në një moment kur vendit i nevojitet unitet
“Kandidatura ime nuk është kërkesë drejtuar një partie dhe nuk është ndërtuar kundër asnjë partie apo individi. Ajo ka qenë një ofertë për t’i shërbyer Republikës së Kosovës në një moment kur vendit i duhet unitet, seriozitet institucional dhe besim në të ardhmen. Dhe ajo ofertë qëndron! Nuk tërhiqem nga asnjë përgjegjësi që e kam marrë si amanet të brezave e si mision për të ardhmen e shtetit! Nëse elitat politike nuk e konsiderojnë atë, atëherë fjalën do ta ketë populli. Dhe kur të vijë ajo ditë, në cilëndo fushëbetejë demokratike, unë do të jem aty. I qetë. I përgatitur. Pa borxhe ndaj askujt, përveç Kosovës. Nëse Republika më thërret për shërbim, jam gati. Kjo përgjigje nuk ka ndryshuar”, ka shkruar ai në Facebook.
Lëvizja Vetëvendosje dhe Lidhja Demokratike e Kosovës të hënën kanë propozuar Bekim Sjediun për president, si një kandidat konsensual. Por, 6 deputetë nga LDK kanë deklaruar se nuk kanë votë për të, duke vënë në pikëpyetje sigurimin e numrave të nevojshëm.
