Shefja e Grupit Parlamentar të Lëvizjes Vetëvendosje, Arbërie Nagavci ka uruar nxënësit, mësuesit dhe prindërit me rastin e fillimit të vitit të ri shkollor.
Përmes një mesazhi, Nagavci ka uruar që ky vit të sjellë mundësi të reja për mësim, zhvillim dhe forcim të besimit te vetja.
“Ky është një fillim i ri me mundësi të reja për të mësuar, për t’u zhvilluar dhe për të besuar edhe më shumë në veten tuaj”, ka shkruar Nagavci.
Ajo ka veçuar edhe rolin e mësuesve, duke i falënderuar për përkushtimin, durimin dhe punën e tyre në edukimin e brezave të rinj.
“Uroj që ky vit shkollor të jetë i mbushur me suksese, dije dhe momente që do të mbeten gjatë në kujtesën e secilit”, ka thënë Nagavci.
Në fund, ajo ka uruar që viti i ri shkollor të jetë i mbarë dhe i suksesshëm për të gjithë nxënësit, mësuesit dhe prindërit./teve1.info/
