Kryetari i Lidhjes Demokratiket të Kosovës, Lumir Abdixhiku ka thënë se kjo parti do ta mbështesë marrëveshjen e arritur me Lëvizjen Vetëvendosje për presidentin, ku sot u prezantua Bekim Sejdiu si kandidat si kandidat konsensual.
Ai ka thënë se përgjigjja e kësaj partie ndaj kaosit dhe jostabilitetit është një president dinjitoz.
“LDK-ja do ta mbështesë këtë marrëveshje me bindjen se shteti është më i rëndësishëm se çdo interes partiak. Këtë e kemi besuar gjithmonë. Këtë po e dëshmojmë edhe sot.Sot, përgjigja jonë ndaj jostabilitetit, kaosit e dyshimeve, është një Republikë me President dinjitoz; e me një LDK, që qëndron në origjinë – rugoviste e institucionaliste. Ajo jep individë me integritet; edhe kur nuk merr asgjë në kthim për veten. Sepse e don shtetin më shumë se sa veten. Zoti e bekoftë Kosovën”, ka shktuar ai në Facebook.
Abdixhiku ka thënë se emri i Sejdiut u prezantua nga të dy palët në mënyrë të pavarur.
“Emri i profesor Sejdiut u propozua nga të dyja palët, në mënyrë të pavarur nga njëra-tjetra. Kur interesi i Republikës vendoset mbi interesin partiak, mund të gjenden njerëz dhe zgjidhje që bashkojnë. Në këtë pikë dua t’i falënderojë të dy ekipet diskutuese për mbështetjen në këtë proces;, për përpjekjet konstruktive në një proces të vështirë dhe kompleks”, ka shkruar ai.
Bekim Sejdiu ka qenë ish-gjyqtarë i Gjykatës Kushtetuese.
Ai pas pranimit të propozimit tha se është nderë dhe se këtë përgjgjegjësi e ka pranuar për t’i shërbyer vendit.
