Sipas saj, LDK-ja është përballur edhe më herët me kriza ekonomike, prandaj menaxhimi i kësaj situate do ishte më i lehtë për ta.
“Lidhja Demokratike e Kosovës do bënte shumë më shumë në këtë kohë krize, krahasuar me qeverinë aktuale. Sepse kjo nuk do ishte hera e parë që LDK-ja përballet me kriza ekonomike. Krizë ekonomike ka qenë edhe në vitin 2009 ku jeta ka qenë shumë më e lehtë për qytetarët tanë”, tha Bunjaku në emisionin “Ditari”.
Ndërkaq, Bunjaku tutje tha se me ardhjen e Qeverisë Kurti në pushtet, jeta e qytetarëve është bërë e papërballueshme.
“Tani me Qeverinë Kurti jeta e qytetarëve është bërë e papërballueshme në Republikën e Kosovës, duke i pasur parasysh rritjet e çmimeve dhe pagat e vogla. Qeveria Kurti është shumë larg nga qytetarët, nuk është fare në bashkëpunim me ta. Ndërsa, në emër të qytetarëve, me kauza të rrejshme ka ardhur në pushtet”, vlerësoi ajo.
Teksa tha se në momentet më të vështira, Qeveria Kurti nuk po u del në ndihmë qytetarëve.