Vendimit të Gjykatës iu gëzuan.
Pas pesë vitesh, Halil Mehmetaj me dy djemtë e tij, Kreshnikun dhe Kastriotin, u shpallën të pafajshëm për sulmin ndaj autobusit me nxënës dhe vrasjen e trefishtë në Gllogjan të Deçanit.
Por disponim krejt ndryshe të hënën në gjykatore, patën familjarët e viktimave.
Megjithatë, të tre u dënuan për armëmbajtje pa leje.
Me vendimin nuk u nda aspak e kënaqur prokurorja Sahide Gashi.
E pikërisht si shkak i një prove të prezantuar në fjalën përfundimtare nga prokurorja Gashi, Gjykata vendosi që ta rihap këtë rast.
Bëhet fjalë për armën me të cilën pretendohet se është kryer vepra penale.
Sipas aktakuzës, vrasja është kryer për qëllime hakmarrëse ndaj shoferit të autobusit.
Prokuroria e ka ndërlidhur këtë vrasje me vetëvrasjen e H.M në vitin 2020, e cila ishte e bija e të akuzuarit Halil Mehmetaj.
Në gjykim kanë dëshmuar edhe dy prej nxënësve të cilët ditën kritike ndodheshin në autobus.
Megjithatë, të tre të akuzuarit që prej arrestimit, e kanë mohuar përfshirjen e tyre në njërën prej rasteve më të rënda në Kosovën e pasluftës.
