Ushtruesja e detyrës së presidentes së Republikës së Kosovës, Albulena Haxhiu ua ka dorëzuar zyrtarisht dekretet e shtetësisë së Republikës së Kosovës dy personaliteteve amerikane, Joe DioGuardit dhe Shirley Cloyes DioGuardit.
Ceremonia është zhvilluar në Presidencë.
Joe DioGuardi, ish-kongresist amerikan dhe ish-kreu i Ligës Qytetare Shqiptaro-Amerikane, është një prej figurave që për dekada ka lobuar në Shtetet e Bashkuara për çështjen e Kosovës.
Në krah të tij, Shirley Cloyes DioGuardi është angazhuar në promovimin e të drejtave të shqiptarëve dhe të çështjes së Kosovës në qarqet politike amerikane.
Përmes punës së tyre në Uashington, DioGuardit janë bërë pjesë e rëndësishme e historisë së lobimit shqiptaro-amerikan për Kosovën.
