Tre persona janë arrestuar në Fushë-Kosovë, pasi dyshohet se kanë kërcënuar dhe penguar zyrtarët policorë gjatë kryerjes së detyrës.
Në raportin policor raportohet se rasti ka ndodhur më 23 gusht, rreth orës 04:55, ku thuhet se dy nga të dyshuarit kanë qenë nën ndikim të alkoolit.
Të dyshuarve u është ofruar tretman mjekësor, ndërsa gjatë incidentit dy zyrtarë policorë kanë pësuar lëndime të lehta dhe janë dërguar në QKUK për trajtim.
Me vendim të prokurorit, dy nga të dyshuarit janë dërguar në mbajtje, ndërsa personi i tretë është liruar dhe rasti ndaj tij do të procedohet në procedurë të rregullt.
“Fushë Kosovë 23.08.2026 – 04:55. Janë arrestuar tre të dyshuar meshkuj kosovarë pasi që, kishin kanosur dhe penguar zyrtarët policor gjatë kryerjes së detyrës. Dy nga të dyshuarit ishin nën ndikim të alkoolit. Të dyshuarve u është ofruar tretman mjekësor, ndërsa dy zyrtar policor kanë pësuar lëndime të lehta ku janë dërguar në QKUK për tretman mjekësor. Me vendim të prokurorit dy të dyshuar janë dërguar në mbajtje, ndërsa njëri është liruar në procedurë të rregullt”, shkruhet në raportin e Policisë së Kosovës.
