Një i mitur është arrestuar mbrëmjen e së premtes në Prishtinë, pasi dyshohet se nuk iu bind urdhrit të policisë për t’u ndalur dhe më pas goditi një zyrtar policor.
Sipas Policisë së Kosovës, njësiti policor i kishte dhënë shenjë për t’u ndalur të dyshuarit, i cili ishte duke drejtuar një motoçikletë. I dyshuari nuk e kishte respektuar urdhrin për ndalim dhe kishte vazhduar lëvizjen, duke goditur një zyrtar policor që në atë moment ishte duke u marrë me një kundërvajtës.
Gjatë kontrollit të motoçikletës, policia ka gjetur dhe konfiskuar 10.76 gramë substancë narkotike të dyshuar si marihuanë dhe 1.6 gramë kokainë.
I dyshuari dhe zyrtari policor kanë pranuar tretman mjekësor. Me vendim të prokurorit, i mituri është dërguar në mbajtje. Rasti po hetohet.
“Rr. B, Prishtinë 21.08.2026 – 21:30. Është arrestuar i dyshuari i mitur mashkull kosovar, për shkak se njësiti policor gjatë pikës së kontrollit i kanë dhënë shenjë për t’u ndalur dirsa ai kishte qenë duke drejtuar motoçikletën, por i njëjti nuk ka respektuar shenjën për t’u ndalur dhe ka vazhduar duke goditë një zyrtar policor që ishte duke u marr me një kundërvajtës. Në motoçikletën e të dyshuarit janë gjetur dhe konfiskuar 10.76 gramë substanca narkotike të llojit marihuanë dhe 1.6 gramë kokainë. I dyshuari dhe zyrtari policor kanë pranuar tretman mjekësor. I dyshuari me vendim të prokurorit është dërguar në mbajtje”, thuhet në raportin e PK-së./teve1.info/
