Klubi anglez Brighton thuhet se ka shfaqur interesim për mesfushorin e Kombëtares së Kosovës, Leon Avdullahun.
Avdullahu ishte një prej mesfushorëve më të mirë në Bundesligë sezonin e kaluar, duke spikatur me paraqitjet e tij dhe duke tërhequr vëmendjen e klubeve të mëdha evropiane.
24-vjeçari është shndërruar gjithashtu në një prej lojtarëve kryesorë të Kombëtares së Kosovës, duke qenë një nga shtyllat e mesfushës së Dardanëve.
Forma dhe zhvillimi i tij kanë bërë që vlera e Avdullahut të rritet ndjeshëm, ndërsa Hoffenheimi e vlerëson mesfushorin rreth 45 milionë euro.
Interesimi nga një klub i Premier League tregon edhe një herë nivelin që ka arritur mesfushori kosovar në futbollin evropian.
