Është ekstraduar nga Kosova për në Shqipëri një person, i cili kërkohej me letërreshtim ndërkombëtar.
Sipas Policisë së Kosovës, i kërkuari dyshohet për veprën penale “Kontrabandim me migrantë”.
“I dyshuari ishte arrestuar nga Policia e Kosovës, pasi që i njëjti kërkohej përmes INTERPOL-it me letër rreshtim ndërkombëtar të lëshuar nga institucionet e drejtësisë së Shqipërisë, për veprën penale ‘kontrabandim me migrantë”, thuhet në njoftimin e Policisë së Kosovës.
Policia bëri të ditur se ekstradimi i tij është bërë përmes pikës kufitare në Vërmicë, ku i njëjti iu është dorëzuar autoriteteve të Shqipërisë.
