Analisti politik, Visar Xani ka thënë se ish-opozita është e kompleksuar ndaj Albin Kurtit.
Ai duke komentuar aksionin e sotëm të PDK-së dhe Aleancës para objektit të Qeverisë, ka thënë se ata shkojnë aty me shpresën mos me taku kryeministrinë në detyrë.
Xani ka thënë se personat që pyesin sigurimin nëse Kurti ka hyrë në Qeveri e dinë mirë se kryeministri nuk e shfrytëzon atë hyrje.
“Ata që pyetshin e kanë pas zyrën aty para disa viteve dhe e dinë saktë ka hynë kryeministri. Nëse donë ata me bë aksion perime dhe me ja blloku hyrjen kryeministrit e dinë që kryeministri andej nuk hynë, ata e dinë. Është e kompleksuar, po dalin po protestojnë, po e bëjmë një aksion politik po ishalla nuk takohemi me z. Kurti. Me deshtë aksion politik e bënë më të ashpër, i pa kopleksuar, nëse je deputet mundesh me bë kërkesë me taku e me ja thënë atë çfarë do. Jo me shkua te flamujt, aty ku të rrokin mediat”, ka thënë Xani në emisionin “Këndi i Debatit” në Tëvë1.
Deputetët e PDK-së për të pestën ditë më radhë është mbledhur para objektit të Qeverisë së Kosovës, duke i bërë thirrje, Kurti të thërras seancën konstitutive të Kuvendit.
Atyre të enjten u janë bashkuar edhe deputetët e Aleancës.
