Një 45-vjeçar është shoqëruar në Polici për intervistim pasi gjatë një kontrolli në Kaçanik i është gjetur një armë zjarri, së bashku me një karikator me 12 fishekë.
Rasti ka ndodhur më 18 gusht 2026, rreth orës 22:10, kur zyrtarët policorë të Njësisë së Hetimeve të Stacionit Policor në Kaçanik, gjatë patrullimit me automjet zyrtar, kanë vërejtur një person duke qëndruar në parkingun e Varrezave të Dëshmorëve në këtë komunë.
Sipas njoftimit, gjatë kontrollit të dokumenteve dhe verifikimit, te personi me inicialet B.G.,policia ka gjetur një pistoletë dhe një karikator me 12 fishekë.
Me urdhër të prokurorit, është iniciuar rasti për veprën penale “Mbajtje në pronësi, kontroll ose posedim i paautorizuar i armës”.
Arma e zjarrit është konfiskuar, ndërsa i dyshuari është liruar dhe rasti do të hetohet në procedurë të rregullt./teve1.info/
