Sipas IPK-së, muaj më parë kanë pranuar informacione se një zyrtar policor i cili është punonjës në Drejtorinë Rajonale të PK-së në Pejë, është i përfshirë në aktivitete të kundërligjshme, raporton teve1.info
“Në një operacion të realizuar mbrëmë në Pejë, hetuesit e IPK-së kanë arrestuar shtatë të dyshuar (një zyrtar policor dhe gjashtë qytetarë) të dyshuar se kanë kryer veprën penale “Organizimi i skemave piramidale dhe bixhozit të paligjshëm”Muaj më parë hetuesit e IPK-së kishin pranuar informacione se një zyrtar policor (punonjës në Drejtorinë Rajonale të PK-së në Pejë) dyshohej se ishte i përfshirë në aktivitete të kundërligjshme”, thuhet në komunikatë.
Gjatë kontrollit nga IPK janë sekuestruar disa sende që mund të shërbejnë si prova në procedurën penale në këtë rast./teve1.info
