“Ishte një situatë vërtetë pothuajse befasuese në këtë aspekt për shkak se mungonte përvoja dhe një prej fushave që u prek më së shumti ishte edhe arsimi, fusha e arsimit, ishte një situatë e re”, ka thënë ai.
Profesori në “Info Nata” ka folur për çështjen e inspektorëve nëpër shkolla dhe për rezultatin e nxënësve në testin PISA .
Limani ka thënë se fajin më të vogël për rezultatet e kanë nxënësit, teksa ka shtuar se sistemi arsimor është fajtor për një gjendje të tillë, shkruan teve1.info
“Fajin më të vogël e kanë nxënësit, nuk kanë në këtë drejtim nxënësit shumë faj, sistemi arsimor është fajtor për një gjendje të tillë, për shkak se edhe inspektorët nuk mund të bëjnë kumedit se çka, kjo varet prej kuadrave arsimore, mësuesit duhet të jenë ata që ta luajnë një rol sa ma efektiv, mësuesit nuk duhet ta ndijnë vetën vetëm si mësimdhënës por në pikë të parë duhet të fokusohen edhe tek edukimi i mirëfilltë”, ka thënë ai.
Tutje, profesor Limani theksoi se shkollat kanë pësuar defekte të mëdha e vështirësi në kohën e pandemisë, pasi që sipas tij problem ka pasur edhe tek mësimdhënësit që kanë qenë në moshë për arsye që nuk kanë pasur shumë njohuri për përdorimin e teknologjisë.
“Shkollat tona fillimisht kishin defekte të mëdhaja, vështirësi të mëdhaja, jashtëzakonisht tëmëdhaja, unë besoj që pak dimë për defektet që ishin në atë kohë, nuk ishte problemi vetëm te nxënësit, problemi ka qenë evident edhe te mësimdhënësit, sidomos tek mësimdhënësit që ishin në moshë pak më të vjetër, për shkak se nuk mund të gjithë të përdornin teknologjinë e avancuar”, u shpreh ai.
Limani shtoi se gjatë kohës së pandemisë klasat e para kanë qenë më të prekurat dhe se ata nxënës kanë arritur sukses vetëm nëse prindërit e tyre kanë qenë të shkolluar.
“Klasat e para kanë qenë më të prekurat në këtë aspekt, i vetmi element që këta nxënës të ngrihen në një nivel më të lartë dhe të arrijnë atë se çfarë duhet është në qoftë se këta nxënës i kanë pasur prindërit të shkolluar, varësisht prej familjes”, tha Limani.
“Familjet me nivel të ulët arsimor, fëmijët që kanë ardhur nga këto familje fatkeqësisht kanë pasur vështirësi jashtëzakonisht të mëdhaja për çka edhe me siguri kanë mangësi shumë të mëdhaja, e në këtë aspekt duhet të intervenoj shteti, ministria e Arsimit, duke ofruar kurse për landë specifike”, shtoi ai.
I pyetur se a janë të përgatitur nëse shkollat do të mbyllen përsëri e mësimi zhvillohet online, ai ka thënë se shpreson që mos të ndodh kjo.
“Lutemi që të mos vijë kjo pikë, më të përgatitur po se po, besoj që secili prej nesh tash e ka të qartë se në çfarë drejtimi duhet të shkohet, një është e kjartë me çdo kusht duhet të tentohet të iket mësimit të distancë, sidomos për klasat e ulëta”, tha ai.
“Edhe në qoftë se numri i rasteve është i madh, ka masa tjera parandaluese siç është testimi”, shtoi ai.
