Ai këtë qëndrim e ka dhënë në Kuvendin e Kosovës, pasi është pyetur nga nënkryetari i Kuvendit nga radhët e LDK-së, Kujtim Shala.
Konjufca ka thënë se pasi është bërë si garant i këtij Projektligji, pasi e ka dërguar vetë në Komisionin e Venecias ka thënë se do të abstenoj.
Ai ka treguar disa nga arsyet pse vepron kështu,duke thënë se opinionet e Komisionit të Venecias duhet respektuar.
“Qëndrimi im ka qenë ky, që pasi e kam dërguar këtë Projektligj në Komisionin e Venedikut i kam pritur opinionet e këtij Komisioni, shumë të rëndësishëm edhe për vendin tonë dhe pasi i kam lexuar më vëmendje opinionet kam konstatuar dhe kjo është arsyeja pse kam abstenuar e kështu do të bëjë edhe sot që të pres deri në përfshirjen e këtyre opinioneve deri në lexim të dytë nga Komisioni Funksional dhe kam besim se ky komision mund ta trajtojë dhe të përfshijë opinionet e Komisionit të Venecias. Unë mendoj që mund të shkojmë deri në atë pikë, pra që a po përfshihen nga Komisioni .Funksional opinionet”, tha Konjufca, shkruan teve1.info.
Pas kësaj ka reaguar Kujtim Shala,i cili tha se si kryetar i Kuvendit nuk mund të arsyetohesh me një abstenim. Ai tha se vendimi i Konjufcës dhe Qeverisë nuk ndryshon./teve1.info/
