Deputetja e PDK-së, Blerta Deliu-Kodra, ka reaguar për zhvillimet e fundit politike në vend, duke paralajmëruar se deputetët e kësaj partie do të jenë në Kuvend sot në orën 11:00.
Deliu ka thënë se do të përdorin “çdo mjet institucional e juridik” për, siç është shprehur ajo, rikthimin e rendit kushtetues.
“Nuk do të rrimë duarkryq. Në ora 11:00 do të jemi në Kuvend dhe do ta përdorim çdo mjet institucional e juridik për ta rikthyer rendin kushtetues”, ka shkruar Deliu.
Ajo ka akuzuar kryeministrin në detyrë, Albin Kurtin, dhe Lëvizjen Vetëvendosje se synojnë ta ndryshojnë Kushtetutën sipas interesit të tyre politik.
Sipas Deliut, qëllimi i tyre është që vendi të dërgohet në zgjedhje të jashtëzakonshme në një datë që u konvenon, ose të “kapin edhe institucionin e Presidentit”.
“Kosova nuk është pronë e askujt. Kushtetuta nuk interpretohet sipas interesit politik dhe nuk guxon të merret peng”, ka deklaruar ajo./teve1.info/
